小越南 (已結業)

今日去咗试“小越南”。离开咗加拿大之后，好耐无食过越南粉，成日都好恨食。不过今日食嘅唔系牛肉粉，只系香茅猪扒汤粉，另外加咗越南春卷。仲有点咗餐厅好出名嘅牛油鸡翼。猪排汤粉好香甜。河粉粗幼适中，同以前食过嘅越南河粉差不多。猪排其实无乜香茅味，但系味道算唔错嘅。越南春卷个外皮好脆卜卜，而且里面嘅馅热辣辣，材料都同喺加拿大食过嘅味道一样。有肉丝，粉丝，等等。因为好味，我食得太快，无特别留意里面有啲咩。最后到鸡翼啦! 未食已经闻到好香啦! 热辣辣，外面超级脆卜卜。炸浆一啲都唔厚，一咬落去超级重嘅牛油味，全部入晒去鸡翼里面。唯一我觉得麻麻哋嘅位就系个碟底好多牛油盛喺度，会觉得油淋淋，但系食果阵唔会有咁嘅问题，只系去到第就会怕底果啲索晒啲牛油。其实我觉得真系好好味，只不过价钱如果可以平返啲就好啦。