影片
更多
2019-11-03
1345 浏览
上星期同朋友去咗大角咀行下街，中文意思係為蒜頭瘋狂，就入左來食。點左餐之後侍應就好快送上兩個蒜蓉包，免費的，但係係即刻焗出嚟俾你仲好香脆，唔會好似嗰啲擺咗好耐一樣。首先叫咗一個凱撒沙律，同其他餐廳嘅凱撒沙律唔一樣，佢哋嗰個醬汁應該係自製嘅，同平時食開嘅好唔同，保留到凱撒沙律醬嘅味道亦都有自家製嘅風味。而且佢哋個菜係冇切碎到俾你好有特色，上面沈滿左好多巴馬臣芝士，炸蒜片，同埋炸咗嘅芝士片。而且價錢一啲都唔貴，其實都幾大份。之後叫咗一杯椰子菠蘿特飲，椰子汁同菠蘿汁嘅比例好好，冧酒嘅香味亦都好夠，鍾意飲酒嘅一定要試吓然後就係呢個藍芝士野菌忌廉汁長通粉，裏面仲放咗好大過嘅蒜頭。唔好睇佢好似一個普通白汁長通粉咁樣，佢個醬汁入面加咗藍芝士，但係唔會得好少藍芝士味， 係非常之濃郁，同另一間美式西餐連鎖店嘅芝士醬有得比，而且佢嘅野菌都煮得幾好味。本人就對白汁麻麻，因為太流， 但係呢個汁我差唔多食晒咁滯？食完主菜梗係要食返個甜品先啦，之後我哋就叫咗呢一個蒜頭香蕉朱古力醬薄餅，個餅底真係好薄又好脆，上面有小小嘅朱古力醬同埋浸過糖水嘅香蕉片，但係整體都唔會話好甜，其實兩個人係食得晒嘅， 再加埋個雪糕一熱一凍
上星期同朋友去咗大角咀行下街，中文意思係為蒜頭瘋狂，就入左來食。
點左餐之後侍應就好快送上兩個蒜蓉包，免費的，但係係即刻焗出嚟俾你仲好香脆，唔會好似嗰啲擺咗好耐一樣。
首先叫咗一個凱撒沙律，同其他餐廳嘅凱撒沙律唔一樣，佢哋嗰個醬汁應該係自製嘅，同平時食開嘅好唔同，保留到凱撒沙律醬嘅味道亦都有自家製嘅風味。而且佢哋個菜係冇切碎到俾你好有特色，上面沈滿左好多巴馬臣芝士，炸蒜片，同埋炸咗嘅芝士片。而且價錢一啲都唔貴，其實都幾大份。
之後叫咗一杯椰子菠蘿特飲，椰子汁同菠蘿汁嘅比例好好，冧酒嘅香味亦都好夠，鍾意飲酒嘅一定要試吓
然後就係呢個藍芝士野菌忌廉汁長通粉，裏面仲放咗好大過嘅蒜頭。唔好睇佢好似一個普通白汁長通粉咁樣，佢個醬汁入面加咗藍芝士，但係唔會得好少藍芝士味， 係非常之濃郁，同另一間美式西餐連鎖店嘅芝士醬有得比，而且佢嘅野菌都煮得幾好味。本人就對白汁麻麻，因為太流， 但係呢個汁我差唔多食晒咁滯？
食完主菜梗係要食返個甜品先啦，之後我哋就叫咗呢一個蒜頭香蕉朱古力醬薄餅，個餅底真係好薄又好脆，上面有小小嘅朱古力醬同埋浸過糖水嘅香蕉片，但係整體都唔會話好甜，其實兩個人係食得晒嘅， 再加埋個雪糕一熱一凍嘅感覺好正。
呢一餐真係好滿足！
张贴
