竹青亭 (已結業)

呢间餐厅一直喺我openrice想去既list入面， 因为尖沙咀好多好嘢食，一直都未轮到佢，今日同两位长辈同一位小朋友食饭，想揾间舒服既餐厅，就book左7点半晚饭3大1细，叫左个二人餐加个腐乳卡邦尼意粉，本身好少写食评嘅我，都唔打算影相， 亦都唔记得食物全名，但一路食落去，由前菜到甜品都好惊喜， 出奇地每样食物都好味，而且4个都啱口味头盘牛舌（ 全名已经唔记得 ） 牛舌好薄（本人比较喜欢薄身）而且好入味带子意大利饭，绿色既，朋友觉得唔错，我觉得ok，带子大粒而且新鲜，冇over cook刚刚好我哋最期待就系腐乳卡邦尼意粉，因为好特别，点知4个都觉得劲好味，仲争d想叫多个😆卡邦尼竟然同腐乳味好夹， 腐乳又唔会落得太多，又唔会太咸，刚刚好，有少少香味但又唔会抢晒本身卡邦尼汁嘅味道最后就系呢个五成熟既牛肉，隔离碟豆个样其实麻麻地，捞埋只蛋仲有d肉酸添，不过连埋块牛一齐食，味道又系好夹最后甜品， 柠檬荔枝果冻超劲酸，问返waiter原来要连埋隔离苦苦地嘅玄米绿茶一齐食😵 酸味同苦味特别突出， 比较冲击味蕾，要俾d时间我接受一下但另一个杨枝甘露加云呢拿雪糕正常d既，好味总括嚟讲全餐我畀90分，