灣景國際宴會廳

营业中

休息中

呢个自助晚餐真系好正。质素上等，而且食物种类好多。厨房不停会refill，唔会空盘。冷盘海鲜普遍都系唔好食，一系太咸，一系唔新鲜。相反，呢度嘅生冷海鲜好新鲜，大大只，所以好抢手，好彩厨房不停补给。唯一系生蚝🦪比较细只，但好鲜甜，食多几只当一只🤣沙律方面，有柚子虾沙律，几清新，仲有唔同种类嘅火腿。至于刺身，都算新鲜，有8种选择，唯一可惜嘅系甜虾唔太新鲜。熟食嘅有差唔多二十几款菜式，蚝饼、芝士焗蚝、清蒸龙趸、龙虾汁意大利饭……最正系中场有鸭肝，入口即化🥰现场即制嘅有即场原只片皮鸭。甜品方面，即场烘焙心太软，心太软好好食，唔会太甜。朱古力喷泉、movenpick雪糕、糖水、豆腐花👍🏻👍🏻👍🏻