大班麵包西餅 (已結業)

一间面包店， 无谂过D熟食可以有如此水准，一定好过好多茶餐厅。初初经过，只以为因为迎合楼上班OL， 顺便卖埋熟食，更因为设备绝对没有一般餐厅齐备所以一直无谂过D 野好食。。第一次食，试小食， 食个潮州粉果。好好食，D stuffing 好足， 好丰富！D 豉油调味好好，仲可以加辣椒油，好好味。第二次食， 吉烈猪扒乌冬。无谂过使法都好认真。因为外卖， 猪扒会同汤分开上， 以免猪扒焾掉。猪扒炸得好好， 好干身，肉质一D都唔实，所以食后唔会有腻的感觉。乌冬汤底都唔简单， 唔似D茶餐厅淡而无味的水。佢地跟足日本乌冬汤底做法，所以汤底味道浓郁！再加上佢地有落芝麻同紫菜，所以好香! 自此知道佢地品质绝对唔睇得少!第三次食， 试个鸡皇焗饭。又系好有水准。虽然有好多汁，D 饭好都好干身，一粒粒分开，依家真系好难食到有咁既水准。翠X 都未必可以做到。直到今日试左咁多样都好满意， 会继续帮衬。我觉得佢地绝对系隐世的好野！不过佢其实都系一间面包店，所以晚上6时左右就关。