天賜素齋

营业中

休息中

是日放假, 又系食素日子, 懒得煮的话, 当然又系嚟呢度开餐啦~  榄菜炒饭呢个之前已经试过, 炒得够干身之余, 榄菜好香, 好好食~  栗子支竹炆排骨超多栗子同支竹, 排骨竟然系我上次话好好食, 好有质感果只肉, 原来呢款肉系代表排骨, 上次系唐醋骨, 今次系排骨, 好正, 成碟𩠌, 都系我钟意食的材料, 而且个芡料唔太杰, 成碟𩠌又好夹, 正~  云吞鸡煲好大惊喜, 又系素食比真正肉食仲好食, 而且我都系第一次食用菜心做馅的云吞, 仲有d沙葛、木耳等等的素菜包成, 虽然个鸡煲冇半只鸡, 只系将d"鸡"切片炸香, 咁反而令d汤更加香, 再加埋d素翅、云耳等等, 成煲嘢好丰富, 超多料, 超满足~