御前牛盛日式涮涮鍋 (已結業)

同朋友收工去左食御前牛盛，依间系食日式火锅放题的。任食火锅同加$30就可以刺身任食 好抵食！我地坐底左之后就即刻睇汤底，因为好鬼肚饿！最后我地拣左东京蕃茄龙虾汤底，大大个龙虾浸系个锅度，好有睇头，汤既味道都几好，有蕃茄既酸味味，又有龙虾既鲜味！酱油调味可以自己去自助区自己整，自助区仲有前菜例如猪耳、生菜、丸类同云吞都可以系自助区自己拎。野饮方面都好多选择，佢地有3个大饮品雪柜，纸包、樽装、罐装咩都有齐！我地点左好多刺身，例如三文鱼、 甜虾、 赤、鲍片、 象拔蚌、螺片⋯⋯三文鱼几厚几大块 好新鲜 仲要系我最钟意既鱼腩位 好嫩好滑！甜虾唔算好大条，但系好鲜无腥味！打边炉我地叫左铺头最出名既牛肉。我觉得最好食系加拿大牛胛肉片，其实我都唔知系牛嘅咩部位，但系好正好好食， 好香牛味， 一咬d肉汁出晒黎～又唔会咬唔烂 ，又无根位，正！鹿儿岛豚肉都不错，每块的大小和厚薄都好适中好平均，肉质都不错，很嫩口。海鲜都叫左好多，例如日本广岛蚝、青口、活海蚬同田鸡腿。全部都好新鲜好野味！仲有疏菜类丸类同菇类！d蚝大大只，一啖食落口，又滑又多汁，新鲜又唔腥！下次收工再黎！