勝八居酒屋 (已結業)

黎到铜锣湾，就去左成幢都系餐厅的永光中心觅食，拣左位于11楼的胜八居酒屋。门口的名字好有霸气。餐厅的光线较暗，桌子唔算多，但胜在够宽敞。店员拿餐牌来后，会推荐一些食物，仲叫我地出去刺身台看看新鲜空运的刺身选择。好多名都唔好陌生，所以都唔知点拣，就拣左真鲷同胡麻鲭鱼。这盘刺身非常新鲜，白色薄薄的系真鲷，鲷鱼系日本系贵价鱼，果然系名下虚传。真鲷薄薄的，有少少海盐的咸味及黑松露油的香味，味道清淡而不失鲜味。胡麻鲭鱼相地就厚身D，油脂丰富，口感一流。店员仲推荐我地食炸池鱼仔，佢话系新产品，餐牌上都未有。果然系非常香口，好特别的小食。牛肋骨串烧，牛仔粒串烧就食得多，牛肋骨真系未试过。依个串烧烤得好好，肉好淋又有咬口，唔系熟得济咬唔到，果然系牛其中一个最贵的部位。牛尾汤就成日见，但煮和牛尾就第一次饮，个汤汁少微辣，好惹味，牛尾好补，又够淋同多肉，有咬口，萝卜煮得好入味，食到停唔到口。最后想赞下餐厅的店员，好熟识食材及专业推介，令我食到一餐好高质的晚餐。