高興+ (已結業)

约咗朋友嚟食饭，第一眼见到呢间餐厅就已经觉得装修好抢眼~店内装修以北角为主题，有不少灯牌，配合店名以开心为主，望落都几治愈~前菜叫咗个洋葱烟肉流心蛋焗啡菇，卖相好靓，芝士焗得啱啱好，一切落去连埋流心蛋有爆汁效果，睇落吸引~食落去味道都不错，啡菇juicy，吸左洋葱嘅味道，配合烟肉嘅咸味味道刚刚好~叶香烤焗比目鱼鱼肉多汁，因为烤焗关系，鱼肉吸收了荷叶嘅香气，配合埋车厘茄薯仔等等嘅配菜味道清新，而且鱼肉不连骨，啖啖鱼肉食落非常满足~比较欣赏佢嘅酱汁，酸酸甜甜可以更加带出比目鱼嘅鲜味，而且亦够醒胃~另外仲叫咗咸蛋黄卡邦尼烟肉意大利粉，意粉造型几特别，有一个以咸蛋黄酱为雪糕既雪糕筒，几有趣~第一次食咸蛋黄+carbonara 既组合，食落味道有几夹，咸蛋黄嘅咸香加埋卡邦尼酱汁令到意大利粉食落味道更为丰富，烟肉份量亦够多~蒜香车厘茄带子意大利面味道也不错，带子煎啱啱好，外面够香脆，肉质亦够鲜甜，配合蒜蓉调味令整体味道较为丰富，车厘茄则令整碟菜更为清新，意大利面采用阔面，比普通意大利面较有口感~饮品叫咗焦糖燕麦沙冰，焦糖沙冰嘅甜度啱啱好，配合忌廉奶味较重，加左不同燕麦可以一路食一路饮，燕麦都有口感