圓點工房

营业中

休息中

今日出咗火炭做嘢，难得嚟到咁远都想系到附近食埋lunch先返公司。好老实讲本来想试伙食工业但系太早嘅缘故去咗圆点工房，但估唔到有惊喜！呢度系先比钱后上菜型式，地方好大，对比呢度我九龙区返工附近嘅工厦餐厅坐得密密麻麻，呢度坐得舒服好多。食物以西餐为主，我叫咗个蟹肉意大利饭伴虎虾，友人叫咗大胃王汉堡。先讲份量，大都其实两个女仔share都好足够，卖相present得好好，同出面嘅西餐有得比。我嘅意大利饭好creamy，每一啖都有蟹肉，而且我几钟意一片片嘅蘑姑，口感丰富好多。友人嘅汉堡好巨型，牛肉七成熟左右，以法包呈上，有别一般嘅汉堡，心机分大增，而且又有沙律又有薯角，认真大方！薯角新鲜炸起热辣辣，沙律都算清脆。七十几蚊唔加一，主餐有汤有饮品，其实依加返工度度食啲好少少嘅lunch都系咁上下价钱，要争生意真系要有质素同享受，火炭返工嘅朋友好幸福！