Pici

营业中

休息中

呢间主打手工意粉嘅餐厅 之前听过朋友极力推荐，我自己都成日推荐比其他朋友，因为真系好好食今日前菜叫左吞拿鱼牛油果他他，布袋芝士同海鲜辣蕃茄烩汤吞拿鱼牛油果他他好清新，而且有洋葱加咗喺上面，非常开胃。布袋芝士配上火箭菜好好食。海鲜辣蕃茄汤更加系出乎意料，食唔到辣嘅我都想一饮再饮，辣蕃茄配青口好好食。主菜今日食左慢煮牛面𣍰宽带面 炖煮八爪鱼酱意式云吞慢煮牛面𣍰宽带面系呢间餐厅入面我最钟意嘅主菜，非常非常好食，牛炆到好冧，面嘅硬度刚刚好，酱汁十分香，食极唔厌。炖煮八爪鱼酱意式云吞味道好特别，红酱开胃，皮嘅口感都好好。甜品试晒意式奶冻同tiramisu 好钟意奶冻果酱入面有种柑橘类嘅味道，酸酸甜甜好解腻。tiramisu 嘅咖啡味好香，中间蛋糕咁嘅口感好正。最后讲吓饮品basil lemon tea，都系我好钟意呢度嘅一款特饮，basil嘅特别味道令到本身普通嘅柠茶变得更好饮更香。总结黎讲食物质素非常高，而且环境舒服。服务态度亦十分好，员工会关心客人觉得食物点，而且好nice。喺附近睇完戏肚饿的话好推荐入去试吓。