Green Orange

朋友介绍呢间西餐厅食物唔错，喺openrice订位仲有8折，所以黎食佢嘅set dinner套餐，呢个餐都几多野食，味道几好，唔错。黑松露蟹肉多士好香黑松露味，个酱捞埋蟹肉，都几鲜味，好味。烤蜜糖啤梨伴巴马火腿沙律份量都几大碟，个啤梨比d蜜糖煮过，唔算太甜，食落好香肉桂味，而d巴马火腿食落好香，脂肪分布好均匀，沙律汁酸酸地，好开胃。海鲜汤个颜色好靓，非常香浓嘅海鲜味，饮落好鲜味，仲有只大青口，肉质好嫩滑，唔错。慢煮阿根廷红虾羽衣甘篮香草酱意大利面红虾好爽口弹牙，好大只，好鲜味，而意大利面食落好烟韧，个酱汁几特别，好香浓嘅香草味，d面吸收晒d酱汁，好味。10zo美国顶级西冷排叫咗7成熟，完全冇overcook,啱啱好，牛味好重，食落好淋，唔会好韧，外面煎到有少少焦香，好味。焙茶焦糖炖蛋炖蛋上面果层焦糖脆卜卜，好香嘅焦糖味，而炖蛋嘅颜色系啡啡地，食落好香茶味同蛋嘅香味，好滑，唔太甜好味。