喜多嬉牡蠣屋 (已搬遷) 新店位置

拍拖纪念日同老公拣左间中环食蚝专门店，见佢有任食日本生蚝同烧蚝，餐厅亦讲到明材料系日本直送，肯定有保证。小店细细间好彩订左位，坐低拣左招牌任食套餐；虽然种类唔算好多选择，但胜左除左蚝同鲜贝，仲有乌冬同烧肉串，饮品仲可以拣自家制既冻酿茶，蜜桃乌龙清甜又解腻，好适合。先上左9格既前菜打卡，全部材料都好有水准，熟食有月见酱油鸡肉串，烧鳗鱼等等。重头戏当然系新鲜大大只生蚝，面头加左酸味既啫喱，同微辣既萝卜蓉，加上浸住海水既生蚝，系满分既食法！一只紧系唔够喉，立即食几多叫几多！最后叫左熟食串烧都好味，简单盐烧鸡肉多汁又脆皮。