Cow Bean (荃灣廣場) (已結業)

见到呢间cow bean好耐，一直都排长龙，见佢有个激安价牛排套餐，于是试下。黎到，个牛扒细到好似鹅肝咁，$78劲细旧，佢餐牌张相就成块铁板咁大，实物就系迷你尺寸，离谱！问返佢，佢先讲得150g，但我都系唔觉佢150g，anyway 试下好唔好食先。咬开，岩岩上台已经又干又鞋，好差，难怪其他人食完都话佢不比茶记好，真系好差唔好睇佢好红好嫩咁，其实咬开已经系一丝丝好柴。朋友叫左个猪肉丼定食$58卖相还可以，都算多野食。试左一淡，个味系豉油糖洋葱煮猪肉嘅家庭料理，同屋企自己煮无乜分别。呢个还可以，无牛扒咁差咁揾笨！