牛扒先生 (東港城) (已結業)

今晚同朋友约左试下新餐厅，又系成日见到门口好多人等位，应该唔差挂！呢间系食semi buffet既，一个main dish，然后你食得落既话可以无限出去salad bar度拎沙律同甜品。我地四个人一人叫左一款，薄西冷牛扒，安格斯西冷牛扒，英国猪柳扒，pork rib。先讲薄西冷牛扒真系同茶记早餐块牛差唔多既厚薄，个汁好咸，个牛都好咸，成餐饮左好多杯水。个牛五成熟都煎得好老。到再贵少少既安格斯西冷牛扒，呢块叫左七成熟，同样既结局，好老，讲真真系唔好食。猪柳扒个卖相好似几好，但同一个问题，好硬，好似煎到过哂龙。蜜糖芥苿味我一啲都食唔出。最好食就系pork rib啦！啲肉好嫩，而且味道都处理得比较好，唔会太咸，比较推荐呢一个。Salad bar都算几多选择，有个泰色木瓜，薯仔沙律，螺肉沙律，芝麻酱豆腐都几好食。甜品方面我净系觉得豆腐花系可以接受。总括黎讲，煎猪煎牛都唔得，咁俾呢个价入去食沙律，就睇你觉得值唔值啦。同埋可能？新开，啲侍应都唔系好知个set有啲咩。