香港達人 (新翠商場) (已結業)

之前有个晏昼去左呢边揾朋友, 就顺便试左呢间既下午茶餐~ 呢度装修都唔错架, 又系几光鲜咁, 靓过一般茶记丫~ 我拣左款蒜蓉汁牛仔柳配意粉 $41, 见佢写牛仔柳以为咁正, 点知黎到发现其实咪即系薄牛扒....牛扒味道正正常常啦, 质地都唔un既~但好心唔好叫自己做牛仔柳啦... 反而最惊喜系配既意粉原来系用茄汁炒过既~ 原本以为净系白烚意粉架咋~但点知...一食落口就发觉d意粉超咸啊要一路食一路饮水.....究竟佢系咪落左几次盐啊....食物认真麻麻丫!