麻痺雞 (已結業)

热衷食鸡煲既小弟，一得闲就会四出寻找野味既鸡煲。今日收工，就带埋女朋友急急脚咁冲入大埔，试试呢个麻痺鸡喇。虽然装修唔算好好，但铺入面既枱櫈全部都系木做既，令人觉得别有风味。望望个餐单，就叫个麻痺鸡加啤酒任饮全包宴啦。食物既选择都算多，而且仲有d凉拌野饭，衬个煲未到，食d冷盘岩晒。呢三碟凉拌小菜真系够晒野味，最重要系够晒麻阿，一个字爽阿！再整啖冻啤酒，爽晒😬鸡煲到场嗽，两个人半只鸡，真系超足料，d鸡多到呢👍🏻👍🏻最正系够晒重口味，真系有麻既感觉，可惜女朋友唔食得太辣，如果叫大辣真系完美。$58六只蚝只只都大大只，有够鲜味。呢个鱼皮都够晒脆。唔知系咪生得靓仔，老板私人醒左个例牌既安格期肥牛比我，虽然唔系入口既溶𠮶d，但个牛味真系好出。最后埋单，因为佢误会左我地散叫啤酒，所以只系收左我一枝既钱，计晒全部都系$479，无论系价钱定系味道，佢都真系无得输阿。