法國飯店

营业中

休息中

我指的安静系间餐厅无咩客人果种静，星期五晚上静到吓亲，同一时间的屯门市中心，任何一间餐厅都排晒队，我觉得如果有揸车的朋友就好适合，又有免费泊车又唔使等位。 讲返正题，这间装潢好有品味的餐厅，食物质素就唔多配合，价钱唔算贵，我觉得算平，可能因为无咩客人，所以起唔到价啦。讲真，如果食物唔掂，咁又点会有客呢? 咁落去唔系办法㖞。 前菜拣左焗田螺，点左两款主菜，一款美国特级西冷，一款宝云酥羊架。先讲牛，质素算不错，烧得够香口，特别系脂肪部份，不过略嫌调味不够，要自己加盐先得。再讲羊，这个就唔得喇，味道ok, 但肉质太粗糙，好多渣，食到一半唔想食喇。 饮品方面，点左款英国手工啤，出面少有，几好饮。