影片
更多
2021-07-30
310 浏览
去到8:30都仲未揾到餐厅，是但揾间就试吓呢间创兴6楼嘅火锅。一入到去已经发觉中伏，港式火锅扮日式火锅，仲要有刺身寿司炸物熟食提供，心感不妙。我叫咗个中价美国顶级牛小排，寿喜烧同清汤鸳鸯，汤底偏咸，几重味精味。鸡蛋唔太新鲜，仲要有阵味，唔敢生食。侍应仲要喺嘢食未熟嘅情况之下不停加汤，半生熟咁浸住d食物。见到啲熟食就知赖嘢，炸春卷同薯饼系冻嘅，仲要劲大阵油膉味。青瓜好似浸左半个世纪咁出晒水，啲丸同肠仔类很肯定系冻肉舖叫货最平𠮶啲，咬落去成旧粉咁。炸鱼皮唔脆都算，仲要有鱼腥味。菜同乌冬公仔面系最正常。牛肉豚肉都唔错，鸡肉就偏肥，咬落口感奇怪。甜品啲蛋糕冇乜人食，我拎咗三旧试下，果然相当难食，口感不佳。雪糕有雀巢嘅朱古力同另一款海盐味，饮品选择超过10数款。未够10点侍应就不停催催催，赶埋单帮你收走晒啲碗碟。总括而言，整体感觉好差，请我都唔会再返嚟食！！！
我叫咗个中价美国顶级牛小排，寿喜烧同清汤鸳鸯，汤底偏咸，几重味精味。鸡蛋唔太新鲜，仲要有阵味，唔敢生食。侍应仲要喺嘢食未熟嘅情况之下不停加汤，半生熟咁浸住d食物。
见到啲熟食就知赖嘢，炸春卷同薯饼系冻嘅，仲要劲大阵油膉味。青瓜好似浸左半个世纪咁出晒水，啲丸同肠仔类很肯定系冻肉舖叫货最平𠮶啲，咬落去成旧粉咁。炸鱼皮唔脆都算，仲要有鱼腥味。菜同乌冬公仔面系最正常。牛肉豚肉都唔错，鸡肉就偏肥，咬落口感奇怪。甜品啲蛋糕冇乜人食，我拎咗三旧试下，果然相当难食，口感不佳。雪糕有雀巢嘅朱古力同另一款海盐味，饮品选择超过10数款。
未够10点侍应就不停催催催，赶埋单帮你收走晒啲碗碟。总括而言，整体感觉好差，请我都唔会再返嚟食！！！
张贴
