District 8 (藍塘傲) (已結業)

人生中真系好少去将军澳, 今日去到发现原来呢度有好多好靓嘅餐厅, 而今日食嘅🔸District Eight🔸就喺海边。餐厅有分户外位同室内位, 因为阳光太猛烈, 所以我地自自然然咁拣咗室内坐。枱与枱之间有好舒适嘅距离, 亦都因为可以望到少少海景, 所以令人好Chill 好有渡假嘅感觉。🍽 Mushroom Tagliatelle阔条面嘅面层舖满一片片嘅黑松露片, 未食已经闻到浓浓嘅黑松露味。磨菇炒得好香, 阔条面软硬适中, 而个酱汁系用黑松露同磨菇嚟整, 配合埋羊奶芝士一齐食, 香浓幼滑, 好好食。🍽 Smashed Avocado水煮蛋一切开就有浓浓嘅蛋浆流出嚟, 配合埋牛油果蓉, 味道好夹, 好清新, 羊奶芝士反而系用嚟做少少衬托, 味道唔会太突出。🍽 Ox Cheek Pappardelle卖相同肉酱阔条面好似, 不过细心食落去就知道个分别, 平时肉酱会夹杂脂肪, 呢个牛面颊就有浓浓牛肉味, 酱汁浓稠适中, 可以挂汁上阔条面度。整体环境, 食物, 服务都好好, 如果想望吓海景, 放假去Chill 吓, 值得考虑呢间餐厅。