奇納百川 (已結業)

今日响尖沙咀开完会之后，同朋友去咗海港城 LCX 行咗阵街，顺便喺𠮶度揾埋嘢食 ，呢间韩国店朋友知话之前来过，印像都几好，所以就嚟试下。佢哋嘅韩国菜系比较新派嘅，几 Chill！店舖装修都几简约，有啲好得意嘅韩国公仔，最重要系都有全海景，可惜窗边位就冇晒啦，所以只能够离远睇过维港夜景。前菜叫咗一个韩式酱油元蹄 148 元，挟埋啲酸菜一齐食都几得意，不过原来冻食呢有啲靭，如果可以切细块少少就好啦。主食叫咗一个三文鱼子海胆忌廉酱乌冬 198 元，海胆味道好浓，仲有一啲韩式嘅大蒜味道喺入面，都几重口味。另外叫咗一个明太子蛋紫菜包饭团 108元，呢个就一般般，但有啲硬，同埋味道可以载重少少，不过点奶酱味道都可以嘅。另外嗌咗一个蕃薯条 68 元。饮品方面叫咗一杯芒果白桃乳酪 72 元，酸酸地好开胃，另外叫咗一杯鲜奶紫芋 50 元，好暖胃，味道唔会太甜，整体嚟讲印像都几好可以推介。