Plato Cafe & Bistro (裕民坊YM²)

观塘裕民坊商场都有唔少餐厅，呢晚发掘咗位于三楼平台花园嘅餐厅。餐厅除咗有室内，亦有户口座位，望住个花园食饭都几chill。餐牌除咗有dinner set（价钱由$98- $238)，种类十分之多，包括沙律、意粉、意大利饭、汉堡包、甚至乎扒类亦有提供。套餐包埋餐汤（甘荀汤）同$32以下嘅饮品，点咗杯冰果茶，味道唔会好甜，清新解渴。鲜菠萝牛肉汉堡配薯条及沙律（$158）- 牛肉非常juicy，配酸酸甜甜嘅菠萝，仲有蕃茄同生菜，味道非常有层次，薯条亦炸得香脆好味。龙虾全日早餐（$168）- 呢个系单点餐牌入边拣嘅，除咗有龙虾之外，仲有炒蛋、肠、薯饼、蕃茄、窝夫及沙律菜等。龙虾整得好香，味道唔错。炒蛋亦炒得十分之香滑，薯饼好脆好干身，好丰富好味嘅全日早餐。香蕉朱古力牛角窝夫配雪糕（$78）- 呢个要推介比朱古力控，香蕉配上朱古力酱，再配埋朱古力雪糕，非常之咁浓郁好味，窝夫亦做得香脆。留意呢个份量都唔少，两至三人share都冇问题。