影片
更多
2024-09-02
1575 浏览
呢间泰国餐厅几好坐，又唔会人来人往好多人，可能门面畀人嘅感觉系一啲贵价餐厅，但系其实都唔算贵，物有所值，而且啲嘢食都唔错。我哋今日叫咗啲轻食，分别有脆皮牛油鸡翼、泰式小食拼盘同马拉盏炒通菜。个泰式小食拼盘入面有泰式春卷、炸鱿鱼圈、泰式炸鱼饼、串烧鸡沙嗲同埋大虾米纸卷。咁多样嘢入面我最钟意佢个泰式炸鱼饼，点埋𠮶个泰式甜酸酱真系好正。第二好食系个大虾米纸卷，属于清爽型嘅小食，啲虾都几新鲜。鱿鱼圈同埋春卷就属于正常发挥水平。佢个拉盏炒通菜都几大碟，所以我话呢度唔算贵，咁嘅价钱有返咁上下份量非常合理。呢度嘅脆皮牛油鸡翼都几好食，一啲都唔辣，鸡翼胀卜卜，真系脆皮㗎。最后我想讲佢个香茅姜茶都几正，对于唔想饮甜嘢唔想饮冻嘢嘅我真系fit到爆，仲有成壶畀你慢慢斟。
我哋今日叫咗啲轻食，分别有脆皮牛油鸡翼、泰式小食拼盘同马拉盏炒通菜。
个泰式小食拼盘入面有泰式春卷、炸鱿鱼圈、泰式炸鱼饼、串烧鸡沙嗲同埋大虾米纸卷。咁多样嘢入面我最钟意佢个泰式炸鱼饼，点埋𠮶个泰式甜酸酱真系好正。第二好食系个大虾米纸卷，属于清爽型嘅小食，啲虾都几新鲜。鱿鱼圈同埋春卷就属于正常发挥水平。
佢个拉盏炒通菜都几大碟，所以我话呢度唔算贵，咁嘅价钱有返咁上下份量非常合理。
呢度嘅脆皮牛油鸡翼都几好食，一啲都唔辣，鸡翼胀卜卜，真系脆皮㗎。
最后我想讲佢个香茅姜茶都几正，对于唔想饮甜嘢唔想饮冻嘢嘅我真系fit到爆，仲有成壶畀你慢慢斟。
张贴
