The Stadium (已結業)

疫情缓和球场重开,同老友去观塘睇波Boot, 复出迎战友谊波。睇完就去食晚饭, 老友推介呢间餐厅, 话好chill 又有feel. 去到铺头见到入面人头涌涌, 要攞飞等。不过等位期间可以玩下lift口果部足球机打发时间,。等左十分钟就有位。餐厅有好多部电视播球场, 适逢球季重开, 一班老细食野睇波就fit晒。餐牌, 杯垫, 装饰都好有心思, 名正言顺运动主题餐厅。我地点左脆烤鸡翼同ribs, 当然唔少得啤酒。啤酒$38一pint 抵饮。上菜, 先讲脆烤鸡翼。鸡翼烤得好好, 外面脆, 里面juicy, 鸡翼size 适中, 食得过瘾, 值得推荐。到ribs, 点左半份, 美式烤猪肋骨(半条）$178. ribs 都大份, 肉够入味, 亦都唔会好柴。配菜都发挥正常。结论, 香港sports bar唔多, 呢间the stadium 装潢摆设有心思, 坐得舒服, 差唔多个个位都可以望到电视。有露天位可以一呼一吸, 秋天上去chill 下叹杯啤酒, 睇下波, 人生乐事也。