爆丼屋 (已搬遷) 新店位置

之前係旺角排長龍，材料滿瀉到爆嘅日式丼飯專門店。今次食咗九龍灣分店，早去又唔洗排隊。🌋四重火山盛丼吞拿魚蓉、三文魚子、海膽、松葉蟹肉做成嘅富士山，都係爆丼屋嘅logo。D材料真係多到滿瀉，要用多一隻碟分開先食到。撈埋飯之後每一啖都係材料嘅味道，材料佔嘅比例分分鐘多過壽司飯。🚥三重大極上丼呢個仲誇張，大拖羅鋪滿塊面再用松葉蟹圍邊，個頂再加海膽，超級豪華嘅魚生飯，大拖羅入口即化，海膽嘅濃味加上松葉蟹嘅鮮甜，真係冇得輸。