爆丼屋 (已搬遷) 新店位置

之前系旺角排长龙，材料满泻到爆嘅日式丼饭专门店。今次食咗九龙湾分店，早去又唔洗排队。🌋四重火山盛丼吞拿鱼蓉、三文鱼子、海胆、松叶蟹肉做成嘅富士山，都系爆丼屋嘅logo。D材料真系多到满泻，要用多一只碟分开先食到。捞埋饭之后每一啖都系材料嘅味道，材料占嘅比例分分钟多过寿司饭。🚥三重大极上丼呢个仲夸张，大拖罗铺满块面再用松叶蟹围边，个顶再加海胆，超级豪华嘅鱼生饭，大拖罗入口即化，海胆嘅浓味加上松叶蟹嘅鲜甜，真系冇得输。