來佬餐館 (已結業)

经常来到这里午餐，觉得这里的午餐很有香港的味道，香口又惹味，亦有很多选择，就算嚟多几次都唔会厌倦。早两日去食晏嘅时候见到有11道菜周年套餐，所以今晚就特登过去试一试。头盘有晒所有我钟意食嘅嘢，亦都系平时会点嘅嘢食，就系大虾多士同埋一手海南鸡饭。第一次试法式田螺同埋黑毛叉烧，成日都见到menu上有田螺不过因为惊会有腥味，所以冇叫过，但系今次食完之后觉得好好味，食完螺肉可以捞埋香草蒜蓉汁落个薯蓉一齐食。叉烧好软亦都好入味，下次再嚟亦都会再叫嚟食! 餐汤叫咗平时最钟意嘅松露惹菌汤，从来都冇令过我失望主菜点左法式牛柳配鹅肝，鹅肝的香味和油份配搭牛柳，即刻令到牛柳味道层次更加丰富，最好食最好食就系佢个千层薯蓉配菜，好creamy ，可以食多几个另外一款主菜，我叫咗平时钟意食嘅脆皮乳鸽，我觉得系依间餐厅其中一个必食嘅菜色，质量依然非常之好，唔会因为系套餐而影响质素，脆皮得来又有肉汁！最后甜品叫咗Tiramisu,佢同平时嘅摆盘唔一样，造成一个好可爱嘅花盆另外亦都点咗从来都未食过嘅火焰雪山，佢落火个下惊艳到我，最紧要系可以影相之余，仲要好好味，我好钟意食入面个雪糕可能因为系11周年，甜品做得精致吸睛