影片
更多
2016-08-30
7230 浏览
多年无返澳洲，因为怕个种物是人非既感觉。今晚，香港既朋友带我嚟到观塘呢间Bondi,比我回味一下过去。以前住喺Bondi beach附近既我，望住幅画，真系百般滋味在心头～呢间餐厅既门口唔起眼，好容易行过左，因为入口喺位于工厦停车场入面，如果望入停车场见到大大只「Sydney」都可能已经错过左。闲日7.30pm 入到去已经坐满半成，而我地就被安排坐喺房入面，其实房内/外都无分别，一样够静可以倾偈。睇左阵Dinner Menu 拣左2个「黑松露野菌汤 $48」- 好香浓，完全每一啖都系蘑菇蓉！仲有面包条送汤，唔错！（本人比较喜欢面包条多过餐包，因为唔会太饱之余又可以食得斯文d)~「白酒炒砚 $68」- 分量唔多，但每只都几肥美，而且汤底尝到有白酒同一d香草味，每粒砚连汤食味道更佳。「黑松露大虾意大利饭 $158」-虾大只，完全遮盖晒d意大利饭～虾表面有海盐同黑椒作调味，烧完之后更加入味，虾肉厚且弹牙。意大利饭好浓味，软硬度刚好有口感，分量少但其实刚好，否则会太腻。「烧焗美国猪鞍架 配 香草汁 $178」- 好大块！起初有担心肉质会韧，但切开后又原来内里呈粉红唔太韧。肉味唔浓，所以我会点碟
以前住喺Bondi beach附近既我，望住幅画，真系百般滋味在心头～
呢间餐厅既门口唔起眼，好容易行过左，因为入口喺位于工厦停车场入面，如果望入停车场见到大大只「Sydney」都可能已经错过左。
闲日7.30pm 入到去已经坐满半成，而我地就被安排坐喺房入面，其实房内/外都无分别，一样够静可以倾偈。
睇左阵Dinner Menu 拣左2个「黑松露野菌汤 $48」- 好香浓，完全每一啖都系蘑菇蓉！仲有面包条送汤，唔错！（本人比较喜欢面包条多过餐包，因为唔会太饱之余又可以食得斯文d)~
「白酒炒砚 $68」- 分量唔多，但每只都几肥美，而且汤底尝到有白酒同一d香草味，每粒砚连汤食味道更佳。
「黑松露大虾意大利饭 $158」-虾大只，完全遮盖晒d意大利饭～虾表面有海盐同黑椒作调味，烧完之后更加入味，虾肉厚且弹牙。意大利饭好浓味，软硬度刚好有口感，分量少但其实刚好，否则会太腻。
「烧焗美国猪鞍架 配 香草汁 $178」- 好大块！起初有担心肉质会韧，但切开后又原来内里呈粉红唔太韧。肉味唔浓，所以我会点碟上既酱汁食。伴碟既有薯仔同蕃薯粒（不是芒果～～～），份量好饱肚。
虽然每枱都会有一大樽水比客人自己添加 （十分欣赏呢点，唔会迫客人一定要叫饮品～），但我地都系叫左2杯野饮慢慢倾偈～「Mixberry yogurt $42」- 莓既味道，酸酸甜甜，但好creamy比较似奶昔。
「Matcha Latte $38」- 拉花几靓～口感几滑，绿茶味够。**不收加一** very good~
张贴
