名館 (黃埔天地) (已結業)

与朋友相约喺红磡食晚饭， 要揾一间坐得舒服又可以倾得耐嘅餐厅， 黄埔入面的美食坊 都系一个唔错嘅选择， 名馆价格唔算好贵,  晚餐小菜连饭都系七八十蚊就有交易， 装修算舒服企理，不过有一点我唔太喜欢的系卡位的背靠太矮, 我好怕撞到后面的客人。今日叫左几道菜: 私房黄金球泡饭黄金球泡饭原来系一个炸过嘅波波球饭, 白饭搓成一个波形轻轻地走过油, 外层饭焦非常香脆， 而汤底非常浓郁， 入面嘅材料亦都非常多， 有毛豆蕃茄肉碎冬菇 同埋粟米， 口感丰富。 唯一美中不足系如果饭嘅份量唔系好够大伙儿食, 如果份量再多一点就会更好。蜂蜜柚子虾球大虾球肉质非常爽身弹牙， 虾球轻轻裹上粉再用油去炸， 炸粉不算太厚， 配埋柚子果酱， 入口酸酸甜甜， 开胃又爽口。黑金流沙包黑金流沙包即叫即蒸 ， 话明黑金其实系指包身系黑色， 包身有少少烟韧， 而蛋黄够晒流心够晒滋味，味道咸咸香香， 食𠮶阵真系要睇住个嘴仔，小心辣亲。五仁口水鸡口水鸡鸡肉嫩滑， 配埋独有嘅红油， 净系睇卖相 ，口水就一直不停流流流。 最特别系餐厅加咗啲五仁落去， 有花生芝麻杏仁南瓜子等等， 口感丰富一流， 配埋鸡肉嘅嫩，一软一脆，口感非常独特。