那個ㄋㄚˋ ㄍㄜ (軒尼詩道)

营业中

休息中

新店装修几靓，入去坐发觉去厕所条通道几个大回收箱放喺度，冇遮无掩。自助QR code落单，版面乱，睇纸版Menu有啲有图冇字冇价钱，搞咗好耐先落到单。嘢食系劲大份，似系用份量嚟推高个价钱，「那个卤排骨便当」有配菜粉丝，排骨预切¾左右，冇切到尾，要自己切，但系一大碗饭上面冇乜位俾你切。另外嗌咗个三星葱饼，入边劲少葱，个饼好烟靭，唔系熟悉嘅台湾味，埋单106。嘢食都几重味，枱面有几款调味料俾你自由配搭，冇水饮，埋单走咗先发现跟餐杯嘢饮冇出。最后，入口系趟门，不过唔系自动，有时开咗冇人闩，只门就长开，店员爱理不理，自己都冇手尾，走晒啲冷气，食食吓饭你会听到巴士埋站声闻到马路废气。