影片
更多
2022-12-29
155 浏览
📍旺角, Liberty Coffee & Wine我一直相信，食物同心情都好有关连 - 如果我食到唔好食嘅嘢，我嘅 bad mood 都真系可以持续好耐......𠮶日我去饮到呢个开心果latte之后，都有维持到大半日好心情，所以决定分享俾大家 😊唔知几时开始，好似咩都可以变latte...绿茶latte、焙茶latte、紫薯latte......话唔埋榴梿都有latte添呀～𠮶个星期六我早到咗旺角，然后朋友又未到，就求其揾咗附近一间网上评分好似几高嘅咖啡店坐吓。呢间餐厅外型好classic，枣红色嘅木门又好似带我穿越去咗异度空间咁。我拣咗靠窗边嘅bar台坐，正对住马路，马路对面又有啲学生喺度打紧波⚽️于是坐喺度发吓呆，睇吓啲车经过又睇吓学生打波，都几有静观嘅意味😄当日喺门口见到好大张海报，见到个开心果味latte好似好正咁，又几特别，就叫咗杯喇！呢个嘢饮一上台，分开咗冻牛奶同开心果酱，仲有一块小饼干添🍪于是我就好优雅咁将啲开心果酱倒咗落冻牛奶度喇🥛原本有几秒以为啲开心果酱系啲人工嘢(诚如我之前讲过，开心果系好易出事嘅味嚟㗎嘛)，点知饮落系好自然而浓郁嘅开心果味，直头有一种幸福感油然而
我一直相信，食物同心情都好有关连 - 如果我食到唔好食嘅嘢，我嘅 bad mood 都真系可以持续好耐......
𠮶日我去饮到呢个开心果latte之后，都有维持到大半日好心情，所以决定分享俾大家 😊
唔知几时开始，好似咩都可以变latte...绿茶latte、焙茶latte、紫薯latte......话唔埋榴梿都有latte添呀～
𠮶个星期六我早到咗旺角，然后朋友又未到，就求其揾咗附近一间网上评分好似几高嘅咖啡店坐吓。
呢间餐厅外型好classic，枣红色嘅木门又好似带我穿越去咗异度空间咁。
我拣咗靠窗边嘅bar台坐，正对住马路，马路对面又有啲学生喺度打紧波⚽️
于是坐喺度发吓呆，睇吓啲车经过又睇吓学生打波，都几有静观嘅意味😄
当日喺门口见到好大张海报，见到个开心果味latte好似好正咁，又几特别，就叫咗杯喇！
呢个嘢饮一上台，分开咗冻牛奶同开心果酱，仲有一块小饼干添🍪
于是我就好优雅咁将啲开心果酱倒咗落冻牛奶度喇🥛
原本有几秒以为啲开心果酱系啲人工嘢(诚如我之前讲过，开心果系好易出事嘅味嚟㗎嘛)，点知饮落系好自然而浓郁嘅开心果味，直头有一种幸福感油然而生呀❤️
下次唔开心嘅时候，试吓呢个开心果latte啦，可能会开心返㗎 😊
#如果你今日有啲唔开心或者可以睇吓呢个post #开心果拿铁 #libertycoffee&wine #旺角 #mongkok #øhhejfoodie
开心果拿铁
6 浏览
0 赞好
0 留言
张贴
