影片
更多
2019-05-24
568 浏览
今日工作关系得个零钟头食饭，行过门口见到冇乜人排队，就入去谂住试下。我地叫左两个set lunch，一个海南鸡丝汤河加椰青，一个大虾炒金边粉加柚子茶。我地12：45入座，个海南鸡丝汤河好快就黎左。但系个大虾炒金边粉就迟迟未黎。我地等左半个钟，到左13:15个金边粉都仲未有，呢个时候，个汤河已经食完，lunchtime都差唔多完结，大家都要赶时间返公司做野。呢半个钟入面，我地已经向职员＋经理催过至少3次，但系完全冇回音，我连系漏单定系落错都唔知。所有员工都表现得好唔helpful，完全系敷衍紧我地。我见等左半个钟都冇野食，唯有叫埋单＋取消我个炒粉。点知呢间餐厅连埋单都唔俾，埋单都要叫几次、等足2个字先有人理。就系呢个时候，个大虾炒金边粉终于黎到，我见仲有少少时间，应该可以快食埋佢，但我咬左一啖只虾，佢竟然可以由内至外都系冻冰冰。不禁令人疑问，其实呢间餐厅系咪真系有心想做生意？点解一碟得两只虾咁大把既炒粉，等左半个几钟，suppose应该系岩岩整好送上黎，点知佢系冻冰冰！？可能我系少数咁唔好彩既客人，我地即刻起身埋单，经理话取消个餐，餐饮要计正价，ok fine。我以为我个柚子茶贵极都系廿
我见等左半个钟都冇野食，唯有叫埋单＋取消我个炒粉。点知呢间餐厅连埋单都唔俾，埋单都要叫几次、等足2个字先有人理。就系呢个时候，个大虾炒金边粉终于黎到，我见仲有少少时间，应该可以快食埋佢，但我咬左一啖只虾，佢竟然可以由内至外都系冻冰冰。不禁令人疑问，其实呢间餐厅系咪真系有心想做生意？点解一碟得两只虾咁大把既炒粉，等左半个几钟，suppose应该系岩岩整好送上黎，点知佢系冻冰冰！？
可能我系少数咁唔好彩既客人，我地即刻起身埋单，经理话取消个餐，餐饮要计正价，ok fine。我以为我个柚子茶贵极都系廿零蚊，但经理哥哥话「要40蚊㖞！！」我话洗唔洗40咁贵，我成个lunch冇食任何野都要俾40你咪好好赚。原来佢当左个椰青系跟我个餐，我唔知有心定无意啦，都费事嘈。
总结：送都唔食
题外话/补充资料：
漏单、错单，应有尽有
(以上食记乃用户个人意见 , 并不代表OpenRice之观点。)
张贴