影片
更多
2016-02-24
1472 浏览
I don't care where we are,I just care that we're together.By movie : If I stay 《如果我留下》今日与一齐渡过十年嘅好友食饭，一向都系我揾餐厅，佢定日子，志在见下面倾吓计，地方最紧要就脚，由同事介绍就嚟到Wing's Kitchen，就系么地道隔离，附近大厦嘅灯饰，令街道恍如上昼，入到餐厅有别一种气氛，经过有欧洲风景画作嘅玄关位，店员好快安排我哋入坐，餐枱上有蜡烛，播住音乐，大家嘅笑声令到感觉冇咁拘束，比较欢欣浪漫。坐定定之后，店员送上暖水，我哋分头睇吓餐牌有咩好推介先！为咗清楚啲，就喺门口影过𠮶光啲嘅俾大家睇，小食 $59-98、意粉 $118-158、pizza $98-128，Menu有厨师推介及素菜提示，Dinner Set $138起！经过情人节，好多朋友都问我有咩好餐厅介绍，其中一位爸爸级嘅同事，佢提出要𠮶欢欣啲嘅环境，听起上紧好少用到呢个词语，因为佢觉得拍拖一段时间或已经结咗婚嘅情侣们，已经经历好几个情人节，所以情人节中，最想有嘅系欢欣，感觉轻松，因为伴侣已成为你最好嘅朋友，你晚饭期间一齐开怀咁倾
I just care that we're together.
By movie : If I stay 《如果我留下》
今日与一齐渡过十年嘅好友食饭，一向都系我揾餐厅，佢定日子，志在见下面倾吓计，地方最紧要就脚，由同事介绍就嚟到Wing's Kitchen，就系么地道隔离，附近大厦嘅灯饰，令街道恍如上昼，入到餐厅有别一种气氛，经过有欧洲风景画作嘅玄关位，店员好快安排我哋入坐，餐枱上有蜡烛，播住音乐，大家嘅笑声令到感觉冇咁拘束，比较欢欣浪漫。
坐定定之后，店员送上暖水，我哋分头睇吓餐牌有咩好推介先！为咗清楚啲，就喺门口影过𠮶光啲嘅俾大家睇，小食 $59-98、意粉 $118-158、pizza $98-128，Menu有厨师推介及素菜提示，Dinner Set $138起！
经过情人节，好多朋友都问我有咩好餐厅介绍，其中一位爸爸级嘅同事，佢提出要𠮶欢欣啲嘅环境，听起上紧好少用到呢个词语，因为佢觉得拍拖一段时间或已经结咗婚嘅情侣们，已经经历好几个情人节，所以情人节中，最想有嘅系欢欣，感觉轻松，因为伴侣已成为你最好嘅朋友，你晚饭期间一齐开怀咁倾计，笑住咁过情人节，比起食高贵嘅一餐，嚟得更自然。
厨师精选沙律 $78我可能有别于大部份嘅女仔，为求瘦身健康而沙律，我就为咗清清肠胃，暂时作过小休息，先食沙律 喔喔，拣选厨师精选沙律，因为无其他肉类配搭，达到想食多啲菜嘅想法，沙律菜上面放有车厘茄及芝士碎，食起上嚟加多分点缀调味，或简单加橄榄油及醋，味道就变得突出，酸味令人变得开胃。
Wings to go鸡翼 $98水牛城鸡翼都系我到餐厅必点嘅菜式，所以酱汁拣咗酸辣水牛城及农场，农场即是咸味嘅沙律酱，炸鸡翼用嘅粉浆比较厚，感觉比较热气，如果转用半煎炸鸡翼，酱汁可更容易渗入鸡翼！
软壳蟹明太子卡邦尼意粉 $128菜式名见到都好吸引，第一次食到呢个组合嘅意粉，有软壳蟹嘅香口，蟹膏加上忌廉汁变得更鲜味浓郁，意粉酱汁好滑，卷起意粉嘅时候包含着满满嘅酱汁，及加上烟肉带点咸香，如果选中嘅明太子可以有啲辛辣味，可以令菜式味更广泛丰富。
软壳蟹明太子卡邦尼意粉
$128
33 浏览
1 赞好
0 留言
《如果我留下》，其中一套我认为最值得睇嘅电影，由一位前辈介绍，不是单单一套爱情故事，因为女主角和她一家准备揸车旅游时，突然遇上车祸，家人全部不幸遇难离世，她却灵魂出窍，得知家人危殆消息，要从生、死中抉择。内容中重点描绘她的初恋、亲情、友情一幕一幕插叙在回忆中表达，与女主角之间嘅感情细致描绘，内容丰富写实。
软壳蟹明太子卡邦尼意粉
$128
29 浏览
0 赞好
0 留言
今晚晚餐都逐样逐样慢慢点，一边食一边倾，大约食咗三个钟，到最后选了西冷牛扒 ，一齐放肆一下，熟成程度medium rare，保留大部份肉汁，切开时非常粉嫩，牛扒表面加了黑椒及香料，令味道无咁单一，配菜就拣薯蓉，唔习惯用薯蓉包住一件牛扒咁食，令薯蓉嘅牛油香味跟牛扒油脂香气融合，浓郁而不过份腻！
8安士西冷牛扒
$198
28 浏览
0 赞好
0 留言
而电影中一句I don't care where we are, I just care that we're together. 对着恋人或致友讲都好适合，因为人与人之间有不少的欢喜离合，好似到国外读书、移民、去working holiday等，就算短短一年间，都会有挂念别人嘅时候，例如错过朋友婚礼、经历一啲大事嘅希望朋友系身边扶持，如果冇呢份爱，生活点会圆满？
8安士西冷牛扒
$198
17 浏览
0 赞好
0 留言
最后点两杯热饮就当食甜品啦！我嘅有柠檬姜汁蜜糖，可以驱寒保暖、滋润及消滞，一举多得，走嘅时候见隔离枱食嘅set dinner，甜品有士多啤梨奶冻布甸，画上心型图案都几吸引，有兴趣可以来试吓喔！餐厅服务都唔错，店员时不时为食客加水，又唔会打扰气氛，感觉不错！
最了解我嘅朋友，如果年少冇半点轻狂，大家唔会一齐经历咁多事，依家可以一齐笑住咁，提返起以前嘅事，网上有流传过好朋友一定会做嘅事情，例如都知道对方家人嘅名字、倾电话倾通宵，种种事情都令我哋更加瞭解对方，相信大家脑海里都谂到系边位啦！It's okay if you want to go, everyone want you to stay,
I want you to stay more, that I've ever wanted in my life,
but that's what I want, but I could see why it might, not be what you want,
so I just wanted to tell you that, I understand if you go.
身边最明白你的人，自然会明白。
Wing's Kitchen
星期一至日:11:30-22:30
尖沙咀漆咸道南45-51号其士大厦地下C及D舖
Tel: 3691 9205
张贴
