梨滿園韓國料理 (已結業)

乐富终于开咗一间韩式餐厅，所以就好期待去试食。第一次去食已经觉得啲侍应麻麻哋，估唔到之后去食每次都系咁，时好时唔好。有几次觉得佢地态度有好转，原来系幻觉，每次总有样嘢系唔好。最近𠮶次，系去食下午茶，一开始系餐厅门口见到个餐牌上嘅「配有：」被第二张纸遮住咗「汤」呢一项，但入到去之后睇个张系冇遮住。我屋企人点餐后发现冇汤就问下待应（我哋通过食午餐系有汤，加上个餐牌冇遮住），个待应一开始好脾气+礼貌地解释番下午茶系冇汤，佢哋漏咗遮住我哋睇𠮶张餐牌。点知送餐黎时好晦气咁掉低左我地点嘅餐就走咗，我哋之后问佢攞两只碗仔，佢又好冇耐性+礼貌咁话：「你要咩啊」，好似系我哋得罪佢咁！佢哋全部侍应都好似做得好厌倦份工咁，跟住就我哋啲客人系出气袋，仲摆晒面口俾我哋睇！真系如果唔系好食（特别好食：泡菜炒饭），我都唔会去帮衬！