The Pawn (已結業)

哩间餐厅之前都好想嚟试吓，因为佢系一个好旧嘅建筑物但系内里装修后变成一间餐厅。等我顺序讲下对呢间餐厅嘅comment：1. 餐厅入口难揾，我哋先行楼梯上一楼，然后发现唔系𠮶间餐厅，再行去另一个出口，见到有电梯再上一层先到；2. 点左 carbonara 同 tenderloin , 足足等左半个钟先有得食，但餐厅只得两枱客，真叫人费解；3. Carbonara 味道唔错,而且waiter即场喺你面前刨芝士;4. Tenderloin 唔掂，可能第一次食啦，唔知佢会用石板上块扒，所以食嘅时候熟过头，而且份量太少，只有一个拳头咁大；5. 甜品叫左个千层酥配榛子雪糕，呢个真系好好味，其他餐厅应该食唔到。总结，如果唔系有半价我都唔会嚟试，因为价钱实在太贵啦，而且我唔钟意佢因为有折头就冇得储飞行里数啰，因为我本身去嘅目的就系谂住可以储埋里数。