日牛涮涮鍋專門店 (已結業)

晏昼咁啱经过见到冇人排队 就谂住试吓呢间 一入到去就开始拣汤底 最后拣咗蕃茄汤。蕃茄汤黎到发现系白雪雪 仲有几条鱼干系汤到 谂住问一问职员 系咪拎错咗。楼面姐姐行过嚟一口咬定呢个就系蕃茄汤 咁楼面姐姐语气咁肯定 我就谂住试一试个味道 试完系0蕃茄味😅😅完全就系鸡精沟水 仲有啲鱼腥味 真系唔明点解个汤白到咁 都可以咁肯定话系蕃茄汤。然后 谂住问一问其他职员 黎咗个后生男职员我：想问下呢个系咩汤？佢：你嗌咗咩汤㗎？我：我嗌咗蕃茄汤佢：呢个就系蕃茄汤嚟我：。。。。。。。。。 完全唔知俾咩反应 咁好啦 你哋咁实牙实齿话系蕃茄汤 咁可能你哋铺头啲蕃茄汤真系白雪雪 只怪我见识少 真系未见过。调味料区既麻酱稀到冇味 加咗好多水黎沟 蒜蓉系出晒水 最西利系鼓油 冇味👍🏻真系见识少 第一次见火锅店调味区冇辣椒 反而求其俾咗啲辣椒粉 完全得咸味冇辣味连最基本既汤底同调味都做到咁差 大家都唔好期望咁高。店员态度一般 净系挂住系度执枱 我净系叫咗一次加牛加鸡都可以漏 仲要摧单😅😅最后食咗雪糕 味道一般 但返到屋企屙到七彩。