羅麥記 (荃新天地) (已結業)

如果想食高质嘅港式早餐，呢度系你嘅选择。见到隔离米线阵同大家乐都坐满人，疫情期间仍然希望可以同其他人有少少社交距离，所以一心就去食罗麦记。港式早餐每份$42，价钱同邻舖有距离，我原先谂住系分别在于有少少私人空间。所以无人带位，无人招呼亦问题不大。老实讲，楼面人手真系少得可怜，同隔离大家乐差不多。但呢到楼面要一脚踢负责落单，派餐仲做埋清洁🧹。真系唔敢要求有招呼。等咗好耐终于有楼面得闲帮手落单，食物上台就好快。质量仲有惊喜😅！炒蛋系澳牛炒滑蛋。仲要明显分量唔只一只。落单时可要求蛋嘅熟度，我叫咗反蛋，屋企人要熟蛋。两碟都忠于要求无走样。多士边脆中间软淋淋，非常之新鲜。沙爹牛算滑溜，虽然有少部份都系咬唔开，但已可收货。蕃茄餐肉通，餐肉大大粒，大过波子，仲要全部都煎香晒先送汤。呢啲咪叫煮个位都有要求啰柠茶茶底香浓，屋企人饮奶茶，佢话好耐无试过饮到杯咗香浓滑溜嘅奶茶☕️⋯⋯总体而言，性价比高。食物质素高，又够大份。