Samsen 泰麵

营业中

休息中

今日揾开女朋友食lunch, 就拣左佢公司附近依间试下佢地最闻名既船面。其实之前都有兴趣系度食dinner, 但排队既人流太夸张了。见佢opening hour系12点开始，我地已经12点15分到，但已经full house要排队。系排队过程中waitress已经会问你要唔要饮住野先，都算细心。先讲讲依个招牌菜，船面既汤头好浓郁，杰身，浓得黎好甘香，应该系有九层塔系度。佢上面会配有啲脆猪皮，好香口但掂到汤都好快淋，建议快食。佢既面似系粉丝个种，幼身但烟韧。反而面上既牛肉用唔用和牛我都觉得唔太重要，因为个汤同面都够晒加分。枱头有啲辣椒油俾客人加，但建议唔落重好，因为落完我觉得有啲影响原汤既味，后悔落左。依个蟹肉炒饭都好够味，蟹肉份量唔会太少，都大粒。唔落佢个dip都好够味。但论深刻就不及个船面。