四季煲仔飯

营业中

休息中

晚上6点钟左右就到，刚好不用等位，因为想食煲仔饭就黎试下，之前试过附近啲煲仔饭都好食既，不过呢间就未食过，贪新鲜既我就梗系试下啦。入到舖，唔系好多位，不过位同位之间都阔落，唔错。员工态度就一般啦，黎到问我食乜，餐牌都唔比黎下点叫呀，我又唔系熟客。最后点左凤爪排骨饭，细蚝饼，同通菜(系油菜唔系炒菜)。先讲凤爪排骨饭，67蚊送野饮，我要左一枝可乐。凤爪得一只，好咸，唔淋既，排骨就好细粒，仲要唔好食，饭就有少少湿湿地，唔够干，可能系一早整定既，因为叫左都唔够十分钟就有得食喇。菜都黎埋，好淋，都可能系整定既。蚝饼就差唔多食晒啲野先黎，新鲜整既，好热，好正，真系好食。如果黎既话，净系食蚝饼就好喇。因为煲仔饭同菜都掂。呢间舖得好少选择，除左煲仔饭，油菜同蚝饼，就系得汤，冇其他野食喇。我去果日仲要得番一款汤。所以我最后都冇叫到。