影片
更多
2018-12-08
305 浏览
好耐无同表哥一家食饭，撞啱表姪女完咗个测验周，就约埋出旺角食餐午饭。之前一直都讲过带佢试吓啲特色汉堡，故此，晌几间心水嘅汉堡包店中，拣嚟位处「朗豪坊」嘅「Texas Burger」，因为地点最就脚，方便到大家。虽然唔喺第一次嚟「朗豪坊」，但印象中好少上到咁顶层，餐厅开晌12楼，大大个霓虹招牌，十分易认。12楼嘅环境，装有巨型天幕玻璃，撞啱又好阳光㖞，所以，感觉令人醒神。餐厅采开放式，晌外面都已经见到晒整个餐厅环境，最抢眼自不然喺近外边圆拱形卡位，可惜嚟到时已有客人，未有机会坐埋去，相信啲卡位对表姪女吸引啲。而埋面嘅位就喺活动式二、四人位，装修亦好简约，胜在地方大，楼底超高，虽然呢组位拍得比较贴，但仍不失空间感。此外，餐厅尾尾仲有啲高脚枱櫈，对正嘅地方原来喺个表演舞台，日头就无咩嘢搞，但晚上不时会有歌手表演，到时拣呢几个位就最正，边食边睇表演。店名叫得「Burger」，自然主打喺美式汉堡，而且，选择不少；再细阅餐牌，原来新加咗唔少墨西哥嘢，此外，仲有沙律、小食、烤肋骨、意大利饭、意大利面，以及特饮同甜品，所以，今餐晏仔不愁无选择。西墨哥粟米脆片 $48等大家仲度紧食乜之际，先简单嚟一客墨
虽然唔喺第一次嚟「朗豪坊」，但印象中好少上到咁顶层，餐厅开晌12楼，大大个霓虹招牌，十分易认。12楼嘅环境，装有巨型天幕玻璃，撞啱又好阳光㖞，所以，感觉令人醒神。
餐厅采开放式，晌外面都已经见到晒整个餐厅环境，最抢眼自不然喺近外边圆拱形卡位，可惜嚟到时已有客人，未有机会坐埋去，相信啲卡位对表姪女吸引啲。而埋面嘅位就喺活动式二、四人位，装修亦好简约，胜在地方大，楼底超高，虽然呢组位拍得比较贴，但仍不失空间感。
此外，餐厅尾尾仲有啲高脚枱櫈，对正嘅地方原来喺个表演舞台，日头就无咩嘢搞，但晚上不时会有歌手表演，到时拣呢几个位就最正，边食边睇表演。
店名叫得「Burger」，自然主打喺美式汉堡，而且，选择不少；再细阅餐牌，原来新加咗唔少墨西哥嘢，此外，仲有沙律、小食、烤肋骨、意大利饭、意大利面，以及特饮同甜品，所以，今餐晏仔不愁无选择。
西墨哥粟米脆片 $48等大家仲度紧食乜之际，先简单嚟一客墨西哥粟米脆片俾大家试吓过过口瘾，因为佢哋一家都无乜点试过墨西哥嘢。当中有4款酱汁配搭，小弟就拣咗牛油果酱，够健康嘛！老实讲，啲粟米片都喺现成货，够脆已OK，最紧要啲牛油果够熟，做出嚟嘅酱已够柔滑。
墨西哥芝士夹饼 $88啲墨西哥夹饼口味选择多：手撕鸡、香草菇菌、烧烤手撕豚肉、脆鱼柳、煎牛柳条、软壳蟹（+$6），又可以拣软皮或脆皮，加上两件平少少，就不如一次过嗌两件，唯可惜喺无晒脆皮啫。
墨西哥芝士夹饼
$88
8 浏览
0 赞好
0 留言
啲豚肉坚喺手撕㖞，未食都睇得出，而且，塞满晒成件夹饼之内，一口咬落真喺爆晒馅架；入口啲肉好松化、又惹味，感觉犹如有份碳火香，配上牛油果酱、酸忌廉及蕃茄莎莎，令味道纷陈，越食越好味；而块软皮柔韧软熟，丰富咗整体嘅咬口感。
烧烤手撕豚肉夹饼
11 浏览
0 赞好
0 留言
表哥话呢个夹饼好似夹咗好多「薯条」咁，好搞笑，的确，同样成份夹饼夹足馅料，加上牛油果酱、酸忌廉及蕃茄莎莎，绝无欺场。咬落，啲香菇爽爽哋得嚟又有咬口，不过，原来几辣吓，呢样就有啲意外，虽然多添份刺激感，个辣度我亦接受到，但个名改为香「辣」菇菌会贴切啲。
蜜桃菠萝梳打 $33个墨西哥芝士夹饼无升级优惠，如想饮嘢，就只有散叫，小弟就点咗杯梳打，贪其够爽够凉快。个人嚟讲，就有少少失望，因为啲梳打只喺以蜜桃及菠萝糖浆沟上梳打水，一心仲谂住有啲菠萝粒食吓，实在喺谂多咗。
未来素食牛肉汉堡 $88+ $36（升级为套餐）之前曾同老婆试过呢种「未来汉堡」，确的好有趣，所以，大力推介俾表嫂。上枱时佢已经觉得好震撼，因为都未试过啲咁巨型嘅汉堡包，而包内唔止得块汉堡牛肉，仲垫有生菜、蕃茄、牛油果、芝士、炸洋葱圈及特制酱汁，味道非常丰富。佢话最正喺件「未来汉堡」真喺好似食紧真牛肉咁，质感及味道都喺，非常有惊喜。此外，佢亦好喜欢条酸青瓜，酸香爽脆，可中和一下薯条及汉堡嘅浓味。
未来素食牛肉汉堡
3 浏览
0 赞好
0 留言
表嫂唔喜欢冻饮，亦唔多钟意啲古灵精怪嘢，所以，介绍佢饮清香淡雅嘅洋甘菊，虽然喺以茶包冲泡，但都用上Twinings品牌，而且，有需要可叫侍应添加热水续杯。而佢话，呢款茶清清哋，好啱佢饮。
德州烧烤牛肉汉堡 $88+ $36（升级为套餐）表姪女都未试过啲巨型汉堡，所以，佢见到咁多特别款式，都显得颇雀跃，心大心细之下，结果佢拣咗「德州烧烤牛肉汉堡 」，因为餐牌有张大特写，故此就拣咗佢。以成吋厚嘅汉堡牛肉，再配车打芝士、脆烟肉、炸洋葱圈及涂上自家秘制烧烤酱，喺香喷喷浓郁肉味嘅配搭，由于个包真喺超巨，佢话喺食起嚟少少麻烦啲啫。
鲜橙汁（餐饮）佢终喺细路，阿妈都唔喺好俾佢饮埋啲古怪嘢，所以，乖乖哋要杯鲜橙汁。
蓝芝士牛肉汉堡 $88+ $66（升级为套餐）至于表哥就更钟意浓味食物，又接受到新嘢，所以，好快佢就拣啱款「蓝芝士牛肉汉堡」，其实呢个跟「德州烧烤牛肉汉堡 」有啲似，主要喺改用蓝芝士，令味道变得有啲唔同。表哥大赞啲牛肉好高质素，口感松化肉味浓，又富肉汁，而且，个包又烘过，面头仲脆脆哋，包内更涂上牛油，少少细节位都做到足，就连薯条都炸得脆而不腻。
蓝芝士牛肉汉堡
$88
6 浏览
0 赞好
0 留言
蓝芝士牛肉汉堡
23 浏览
0 赞好
0 留言
佢就选较贵嘅升级组合，因为餐饮可以试到是日精选奶昔，而今日嘅奶昔喺「Berry Love」，以杂莓雪糕、木莓及牛奶打成，再唧上厚厚嘅忌廉，一身淡紫嘅奶昔，加上威化花花，卖相比较花俏。表哥就话质感好丰厚而柔滑，好足料，虽然莓味唔喺话超强，但有份清甜嘅感觉。
香煎焦糖苹果夹饼 $58表姪女喺甜品黐，所以，甜品就由佢发办拣边款，佢就喺见餐牌张大特写好吸引而拣咗呢款，而且，一客4件，啱啱好够我哋「些牙」。但送到嚟嘅成品就觉得有啲唔一样，佢有少少失望咁啰。不过，小弟就觉得唔错，以夹饼嚟做，带墨西哥风，夹饼少少脆口，啲苹果亦几清甜，但似乎就无加玉桂粉，而且，淋上多啲焦糖浆就更合小弟心水。
我同老表久唔久都会约食饭，所以，巨型汉堡亦非第一次食，相反，表嫂及表姪女就第一次试啲咁高质嘅汉堡，故充满惊喜之余，亦感到万分满足，表嫂更赞叹「未来汉堡」喺神奇之作，如获至宝。我同佢讲，依家唔只有「牛肉」，仲有「猪肉」嘅出现添。
张贴
