影片
更多
2014-11-30
2549 浏览
吟彩。hea。由于系Happy Friday，除咗lunch要食好啲，夜晚要更加丰富先会有nice weekend的。下个月又到我嘅生日月，年年黐住圣诞都食到滞，所以要用平均成本法去食生日饭。第一餐由今个月底阿姨开始自从8月Restaurant Week匆匆一别，一直念念不忘。睇报纸见到吟彩有四大名蟹宴，即刻将生日饭由近期最爱鉄人旨花铁板烧(4星期内去咗3次)转场嚟呢度。仲要book完位第二日餐厅根据我之前留嘅contact打嚟话我知两周年有新menu同优惠现金券，所以帮阿姨省回$300大洋﹏😇爱吟彩嘅装潢高尚有格调，仲要系contemporary art𠮶只，空间感阔落，食材高质素，调味层次丰富多变，仲要整体presentation精致，名副其实睇得又食得😘个餐有8道菜，第一道－先付，毛蟹云丹山葵啫喱。金属碗装住冰块响底除咗保持温度，连埋上面海胆木板盛载嘅食物，整体望落似一幅雾气氤氲嘅仙境图画，黄山上有夜光宝珠，以及盛绽千年能解百毒嘅妖艳花朵🌹。海胆嘅软滑衬埋似有还无的wasabi啫喱，仲有拆哂一丝丝嘅毛蟹肉，全部入口即溶，极鲜甜地融为一体。其实鱼子好淡味，小花瓣微苦涩，两者都系装饰
由于系Happy Friday，除咗lunch要食好啲，夜晚要更加丰富先会有nice weekend的。下个月又到我嘅生日月，年年黐住圣诞都食到滞，所以要用平均成本法去食生日饭。第一餐由今个月底阿姨开始
自从8月Restaurant Week匆匆一别，一直念念不忘。睇报纸见到吟彩有四大名蟹宴，即刻将生日饭由近期最爱鉄人旨花铁板烧(4星期内去咗3次)转场嚟呢度。仲要book完位第二日餐厅根据我之前留嘅contact打嚟话我知两周年有新menu同优惠现金券，所以帮阿姨省回$300大洋﹏😇爱吟彩嘅装潢高尚有格调，仲要系contemporary art𠮶只，空间感阔落，食材高质素，调味层次丰富多变，仲要整体presentation精致，名副其实睇得又食得😘
个餐有8道菜，第一道－先付，毛蟹云丹山葵啫喱。金属碗装住冰块响底除咗保持温度，连埋上面海胆木板盛载嘅食物，整体望落似一幅雾气氤氲嘅仙境图画，黄山上有夜光宝珠，以及盛绽千年能解百毒嘅妖艳花朵🌹。海胆嘅软滑衬埋似有还无的wasabi啫喱，仲有拆哂一丝丝嘅毛蟹肉，全部入口即溶，极鲜甜地融为一体。其实鱼子好淡味，小花瓣微苦涩，两者都系装饰多；而海藻、菠菜除咗有深浅不一嘅绿色增加视觉艺术效果，亦提供咗唔同嘅爽脆口感。
第二道－前菜，鳕场蟹茶碗蒸，浅灰蓝珍珠底碗，以黑枱做背景，加埋从上而下嘅灯光效果，好似一粒夜明珠暗暗发出低调嘅光芒。打开盖，扑鼻而来系清新姜味，一啖入口，蛋质感适中不过散带水或过实，滑溜顺喉，蟹鲜甜，个人略嫌姜味稍重抢了蟹及蛋的风头。
第三道－烧物，备长碳烧鳕场蟹脚，伴以一束禾稻，粒粒稻爆开伴碟，又是另一幅秋意盎然的美丽图画🍂。蟹肉带炭火味又多肉汁，点上随付嘅淡柚子醋，将鲜味升华倍增。
第四道－松叶蟹天麸罗。店方除了细碎萝白泥酱汁，同时准备了3款调味：柠檬、绿茶芥末盐、粗岩盐。店方细心的逐一上炸好的食材，待我们用膳完毕再上另一件，避免放凉影响食味。天麸罗有3件：蟹肉腐皮卷、蟹肉紫藓叶，第三件蟹膏配蟹拑。炸浆好薄，放上碟基本上冇油，放入口脆热，蟹肉鲜味依然。试过就咁食同点粗岩盐，点咗咸啲更香口。
第五道－蟹八寸，以大冰盘盛载造型震撼，我们跟从店方提示顺序进食。杮子鳕场蟹肉，配以淡淡芝麻豆腐酱，夹杂蟹肉丝丝鲜甜；菠菜浸松叶蟹将软爽混为一体；香箱蟹配土佐醋啫喱，虽然蟹子实实的，但衬上软软的蟹膏，淡淡的醋味带起了无尽鲜美。
第六道－主菜，鳕场蟹杂菜锅。蔬菜尽吸鲜甜嘅木鱼昆布汤底，蟹肉变得软绵绵但不失鲜味。第七道－食事，我哋拣咗粥，仲要求杰身啲，店员将啲饭放入先前嘅汤底淆煮。一边食一边炉火热住，第一碗食到汤底嘅清甜，第二、三碗系渗入心扉嘅鲜甜！
最后系甘味－焙茶麻糬以矜贵金箔点缀，黑糖微甜软糯黏口。成餐饭倾下讲下食咗两个半钟头，轻松愉快。有点美中不足是拆蟹肉藏有蟹壳碎，如第一、五道。
不得不赞的是，戴眼镜嘅男店员全晚周到照料我们的每一道菜(天麸罗除外，由另外的店员作传递员)，细心讲解每道菜嘅食材、如何食法比建议。总括两次经验，其余店员服务就一般，有时会感觉较散漫。
下次我想去试和牛蒸笼﹏
张贴
