影片
更多
2020-10-22
273 浏览
呢晚朋友又带我去威，今次食咗位于澳门逸园中心九楼嘅「岩浪天扶良日本料理 」，餐厅位置十分方便，喺正崇光百货隔离，地铁站一出就系😁。依幢大厦出哂名多日本茶，但我唔知原来都有厨师发办Omakase食。餐厅面积比想像中大，不过寿司吧枱位置唔多，要预早啲订枱先有机会坐到。我哋获安排坐近窗口位置🌃，景色就系轩尼诗道街景、望住希慎大厦。餐枱设定颇有气派的，中间放有和纸花纹嘅布，食客面前就有一个金垫板。另外，餐厅预备咗一个✉️信封畀客人放口罩，相当细心。厨师发办套餐有4️⃣四款拣，分别系$1,080嘅钻天Diamond、$1,280嘅银Silver、$1,380嘅金Gold同$1,580嘅铂Platinum。个人认为几款嘅分别唔系在于菜式嘅多少或者食材嘅价值，反而系取决于客人想食边样嘢多啲，例如钻天主要系食天妇罗。我哋拣咗试，贪佢乜都有啲😜，包括前菜、冷物、刺身、汤、和食、天妇罗、寿司同甜品。首先出场嘅系三款前菜，由左至右、淡到浓食起。左边系梅酱蒟蒻、九缯鱼啫喱同酸汁水藻，三款味道同口感各有不同。第一款甜甜哋，蒟蒻爽口。第二款食落感觉似肴肉，但就系加咗九缯鱼，味道咸咸的。最后一款系啫喱状，入面加入咗爽口水
呢晚朋友又带我去威，今次食咗位于澳门逸园中心九楼嘅「岩浪天扶良日本料理 」，餐厅位置十分方便，喺正崇光百货隔离，地铁站一出就系😁。
依幢大厦出哂名多日本茶，但我唔知原来都有厨师发办Omakase食。餐厅面积比想像中大，不过寿司吧枱位置唔多，要预早啲订枱先有机会坐到。我哋获安排坐近窗口位置🌃，景色就系轩尼诗道街景、望住希慎大厦。
餐枱设定颇有气派的，中间放有和纸花纹嘅布，食客面前就有一个金垫板。另外，餐厅预备咗一个✉️信封畀客人放口罩，相当细心。
厨师发办套餐有4️⃣四款拣，分别系$1,080嘅钻天Diamond、$1,280嘅银Silver、$1,380嘅金Gold同$1,580嘅铂Platinum。个人认为几款嘅分别唔系在于菜式嘅多少或者食材嘅价值，反而系取决于客人想食边样嘢多啲，例如钻天主要系食天妇罗。
我哋拣咗试[金会席Gold]，贪佢乜都有啲😜，包括前菜、冷物、刺身、汤、和食、天妇罗、寿司同甜品。
首先出场嘅系三款前菜，由左至右、淡到浓食起。左边系梅酱蒟蒻、九缯鱼啫喱同酸汁水藻，三款味道同口感各有不同。第一款甜甜哋，蒟蒻爽口。第二款食落感觉似肴肉，但就系加咗九缯鱼，味道咸咸的。最后一款系啫喱状，入面加入咗爽口水藻(店员话系津菜？)用匙羹食，酸味好出，所以好开胃😚。
冷物系三文鱼子冻豆腐，酱汁系麻酱，整体清清地，准备味蕾食刺身、品尝鲜味👅。
刺身系列先来两片左口鱼薄切，师传刀功好好呢👍。鱼肉晶莹通透，配以酸汁一齐食好醒神，口感几得意，滑得嚟又带点咬口。
接著落嚟一次过上三款刺身，摆盘就如艺术品一样，用上小紫花同瓜片作点缀，好靓💕。前至后三款包括超爽嘅赤贝、砌成花形嘅剥皮鱼(内里口感好Creamy)同埋厚切嘅平静鱼。
之后又点少得拖罗呢😏，鱼身有稍为用酱油腌过，上面仲加咗啲山葵；个人觉得如果呢味以炙烧处理可能会更出色。
鳕鱼白子
135 浏览
1 赞好
0 留言
松茸鲍鱼汤
25 浏览
0 赞好
0 留言
大阪豆腐
19 浏览
0 赞好
0 留言
天妇罗
23 浏览
0 赞好
0 留言
最后🍣寿司部份有鲭鱼同秋刀鱼，两款都系贯切靓靓嘅卖相。两款鱼肉鱼味浓郁，分别采用芝麻同香草吊味，唯一争少少就系寿司饭略为松散。
海胆贝柱捞饭为咸食菜式作结😊，我想讲海胆仲多过饭啰哈哈🍚。店员话海胆以外仲混入咗贝柱，但我就觉得似鱿鱼多啲？
甜品系金箔牛乳布甸🥛，铺面仲有红豆蓉，伴旁系梨同杮。甜品简简单单，食埋佢，晚餐就完满了。
总括嚟讲，依餐金会席厨师发办真系好丰富，每道菜式嘅摆盘都相当有心思，就算未食你都已经会好欣赏。再者，餐厅唔会一次过出餐，咁食客就可以慢慢咁享受。全部食物都唔错，但令我最印象深刻非天妇罗莫属😝。最后，如果可以同师傅互动，相信体验定必更佳！
张贴
