影片
更多
2020-04-15
837 浏览
【祥景茶餐厅】『九龙篇-深水埗区』茶记黎讲，每个屋邨都有自己特色专有既茶记聚集一班老友记。本尊难得黎到海丽邨，当然要试一试佢专属既茶记啦。本尊大大话话都食左二三十年茶记，经验当然非常丰富(相信咁多位香港人都系)。先讲讲个环境，祥景同我平时食开既茶记环境明显有分别，大家印象中既茶记都系逼逼夹夹，但系祥景竟然比到阔落既感觉比你，真系茶记黎讲难得一见。我地一行五人都唔觉得逼，仲有地方摆埋袋。试茶记就必须要试试佢地既餐，咁有自信出得餐既，一定系觉得有番咁上下质素先放出黎比人食。所以我地就试左: 中餐–家乡梅菜扣肉饭、快餐–咖哩鸡球饭(包鲜茄腿茸汤)、焗饭餐 – 白汁海鲜焗饭及蕃茄牛肉汤饭。饮品方面，当然系要Try Try 佢既冻OT、冻啡同埋热啡一试佢既茶底啡底。快餐真系名不虚传，有SKY哥哥咁鬼快，基本上一叫就即上台咁济。咖哩鸡球黎讲个汁系唔错，正常发挥，唔系D咩特式咖哩，可惜既系鸡球有浸雪藏鸡既味道未消去，呢个位可以改善下。而个鲜茄腿茸汤后而有小许惊喜，茄味够哂浓。可惜既系，D汤料有小小吝啬，蕃茄腿茸都切到碎一碎先落汤，SIZE差唔多变左胶粒咁既SIZE。中餐–家乡梅菜扣肉饭，都系正正常常
『九龙篇-深水埗区』
茶记黎讲，每个屋邨都有自己特色专有既茶记聚集一班老友记。本尊难得黎到海丽邨，当然要试一试佢专属既茶记啦。
本尊大大话话都食左二三十年茶记，经验当然非常丰富(相信咁多位香港人都系)。先讲讲个环境，祥景同我平时食开既茶记环境明显有分别，大家印象中既茶记都系逼逼夹夹，但系祥景竟然比到阔落既感觉比你，真系茶记黎讲难得一见。我地一行五人都唔觉得逼，仲有地方摆埋袋。
试茶记就必须要试试佢地既餐，咁有自信出得餐既，一定系觉得有番咁上下质素先放出黎比人食。所以我地就试左: 中餐–家乡梅菜扣肉饭、快餐–咖哩鸡球饭(包鲜茄腿茸汤)、焗饭餐 – 白汁海鲜焗饭及蕃茄牛肉汤饭。饮品方面，当然系要Try Try 佢既冻OT、冻啡同埋热啡一试佢既茶底啡底。
快餐真系名不虚传，有SKY哥哥咁鬼快，基本上一叫就即上台咁济。咖哩鸡球黎讲个汁系唔错，正常发挥，唔系D咩特式咖哩，可惜既系鸡球有浸雪藏鸡既味道未消去，呢个位可以改善下。而个鲜茄腿茸汤后而有小许惊喜，茄味够哂浓。可惜既系，D汤料有小小吝啬，蕃茄腿茸都切到碎一碎先落汤，SIZE差唔多变左胶粒咁既SIZE。
中餐–家乡梅菜扣肉饭，都系正正常常，又未去到好食到哗一声既味道，可能量产既关系，所以似系普通猪肉梅菜饭既质素。
焗饭餐 – 白汁海鲜焗饭反而系餐厅最出色既面饭，虽然等左15~20分钟，但系都值既，可以睇得出系即叫即整。海鲜就有一块鱼柳、细虾粒、鱿鱼粒及蟹柳等等。芝士味浓，上台既时候仲见到D芝士同埋白汁系到翻滚，诚意分十足。饭底系炒饭底，不过系似松散加蛋既白饭，完全无获气可言，相较其他茶记既焗饭有D逊色，材料黎讲依然系吝啬。食落味道系可以既。
最后就系蕃茄牛肉饭，汤饭黎讲就比较淡味，茄味唔够浓郁。相比起主打蕃茄汤通粉既茶记黎讲真系差得远，可能又都系吝啬材料既关系令到味道较淡一D。
讲完食饭就评论一下饮品，反而饮品可以发挥出水准。茶底够浓，啡亦都够香，可能饮品不受材料所限制可以发挥出应有既水准。如果饮番杯野，老友记打下牙骹既话系值回票价既。
总括而言，祥景因为系整个屋邨之中比较有质素既食肆，所以都算系半独市生意。无竞争就无进步，所以本尊行十多分钟出竞争非常之大的荔枝角工业区，茶记林立，无论价钱及质素都比祥照CP值更高，所以如非必要可以行多几步出去揾揾其他CP值更好的茶记，希望海丽邨将来会有更好质素既食肆令祥景茶餐厅发奋进步。
各位炼金术士有兴趣都可以试下，欢迎PM 交流下。
识食‧你都会系食の炼金术士
焗饭餐 – 白汁海鲜焗饭 加 热咖啡
$52
91 浏览
0 赞好
0 留言
蕃茄牛肉汤饭
$43
62 浏览
0 赞好
0 留言
快餐–咖哩鸡球饭(包鲜茄腿茸汤) 加 冻啡
$46
76 浏览
0 赞好
0 留言
冻柠茶加冻啡
$38
59 浏览
0 赞好
0 留言
中餐–家乡梅菜扣肉饭
$50
52 浏览
0 赞好
0 留言
鲜茄腿茸汤
$46
38 浏览
0 赞好
0 留言
题外话/补充资料：
下单食物包括:
1. 中餐–家乡梅菜扣肉饭 加 冻柠茶($50)
2. 快餐–咖哩鸡球饭(包鲜茄腿茸汤) 加 冻啡 ($46)
3. 焗饭餐 – 白汁海鲜焗饭 加 热咖啡($52)
4. 蕃茄牛肉汤饭($43)
评分 💯 (5分为满分)
味道 : 👍👍👍(茶餐厅黎讲质素一般)
性价比 : 💲💲 (相比其他茶记质素，价钱贵10~20%)
环境：🌴🌴🌴 🌴 (场地企理干净，空间够大)
服务态度：🗿 🗿 🗿 (员工Respond够哂快，礼貌一时时)
败北地方：炒野唔够获气，味道唔够浓。
(以上食记乃用户个人意见 , 并不代表OpenRice之观点。)
张贴
