焰拉麵 (已結業)

钟意食菜，概然极黑焰拉面有大量野菜，决定食佢。自助划飞落单，拣咗食硬身面、中浓度汤底、中度香味油、猪软骨同要多葱。等食期间，望吓店内的七彩壁画、和风味装修、红色铁凳、划飞纸上面所用的字体，睇得出店家系花咗心思去做生意。极黑焰的真身完全唔黑，葱同野菜的量少过预期。汤呢，黑蒜味同味噌都非常低调，可能系拣咗中浓汤同中香油有关吧，味道平平实实。枱头揾唔到七味粉，放有生蒜粒同夹蒜器，自己动手加味，不过蒜粒太硬，用九牛二虎之力将佢夹扁咗，整唔到蒜茸，最终只系将一件扁咗的生蒜放入碗。碗面，份量足够饱肚，惹味猪软骨入口即溶，如果增加到面条的弹性就更好喇。饭脚叫的鲜焰拉面，用咗樱花虾，样靓。自家制煎饺子，饀多；炸鸡软骨，最正系个 wasabi 酱，喺呢餐的亮点。