影片
更多
2009-08-11
51 浏览
今日陪妈咪上左嫲嫲屋企帮佢整野顺便探下佢，跟住佢知道我地未食野就系咁一定要我地叫D外卖食，而且佢又想食个下午茶，所以就叫D野上去食啦。刚巧佢屋企得返呢间GREENWAYS既外卖纸...哈哈，所以我地就唯有叫呢间啦。呢间野又系标榜有机，营养，健康等等，所以都知应该浓味极有限，不过偶然健康一餐都好呀。我地三个人叫左一个火腿芝士三文治烘底，一个古法炖羊肉饭同埋一个栗米汁龙脷柳意粉。三样野我都有食过，首先其实佢既份量系OK大既，个意粉同饭都几大盒下，个饭我地都食唔哂。味道当然系偏淡啦，我觉得粟米汁龙脷柳意粉最好味，佢个粟米汁几浓架，捞埋D意粉好好食，但D汁就少左D。个鱼柳都几好，几滑，而且味道适中，又少少咸味刚刚好。个意粉硬左少少，不过都可以接受既。但个羊肉同埋三文治就争DD啦。佢个羊肉饭有劲多料，冬菇，萝卜，好多菜等等，个萝卜就几好味，因为入哂味，所以食落去好香...冬菇都ok，但其他野就真系淡到无咩味咁，尤其是个羊肉，个羊肉系劲瘦，又无味，我觉得似食瘦肉多d，虽然系健康姐，但都好难挨架嘛。个三文治可能因为外卖所以冻左，变左好硬同埋唔够脆，食落无咁香口，但味道系几好既。其实我觉得呢间野讲真都
刚巧佢屋企得返呢间GREENWAYS既外卖纸...哈哈，所以我地就唯有叫呢间啦。呢间野又系标榜有机，营养，健康等等，所以都知应该浓味极有限，不过偶然健康一餐都好呀。
我地三个人叫左一个火腿芝士三文治烘底，一个古法炖羊肉饭同埋一个栗米汁龙脷柳意粉。三样野我都有食过，首先其实佢既份量系OK大既，个意粉同饭都几大盒下，个饭我地都食唔哂。味道当然系偏淡啦，我觉得粟米汁龙脷柳意粉最好味，佢个粟米汁几浓架，捞埋D意粉好好食，但D汁就少左D。个鱼柳都几好，几滑，而且味道适中，又少少咸味刚刚好。个意粉硬左少少，不过都可以接受既。
但个羊肉同埋三文治就争DD啦。佢个羊肉饭有劲多料，冬菇，萝卜，好多菜等等，个萝卜就几好味，因为入哂味，所以食落去好香...冬菇都ok，但其他野就真系淡到无咩味咁，尤其是个羊肉，个羊肉系劲瘦，又无味，我觉得似食瘦肉多d，虽然系健康姐，但都好难挨架嘛。个三文治可能因为外卖所以冻左，变左好硬同埋唔够脆，食落无咁香口，但味道系几好既。
其实我觉得呢间野讲真都唔算太差，但个羊肉真系争左少少，而且味道真系几淡下，所以... 哈哈，总括太健康既野食都系唔太适合我。
张贴
