鴻星中菜 (羅氏商業廣場) (已結業)

今晚老细请食🧧开年饭，例牌嚟呢间鸿星因为觉得服务好喔😝！第一道菜梗系发财好市，发菜都够我地每人一小撮食攞个👍🏻好意头，蚝鼓都好大只；之前嘅酥炸蟹钳🦀真系炸得好酥脆，一咬个炸皮就散晒，每个人都食得好论尽，不过蟹味🦀就真系食唔到喇；再嚟就系冬菇瑶柱烩花胶，冬菇好软身好入味，花胶就好有咬口；跟住就系清蒸龙趸🐟，条鱼真系蒸得啱啱好，啲肉好嫩滑；终于嚟到我最爱😍嘅西芹合桃炒带子，今次啲带子冇咩鲜味，反而合桃炒完都好脆口加返啲分；最后当然上甜品红枣糕，呢道菜已经好少系酒楼见到，或者系我唔留意，每次食都觉得佢嚟得太迟，因为佢唔太甜亦好重红枣味，好软身但唔黏口，不过食到最后只可以勉勉强强食到一件咋😭！