滿記甜品 (已結業)

夏天热辣辣，晚饭后当然要食返碗甜品凉快下喇 ，今日系mega box同朋友食完晚饭之后就去左淘大满记食糖水，可能已经10点几，人流唔算多，等左5分钟左右就入得。入到去，d枱排到密密麻麻，所以坐得都比较迫，不过点完甜品之后，唔洗5分钟就送到上黎，几有效率 。首先就食左抹茶彩虹，雪糕既绿茶味几 香，配埋各种新鲜水果，算系唔错，不过我觉得水果既分量再多一点会更好，而抹茶冻食落就不是我喜欢既口感。然后，一向钟意食芒果既我，当然要点返碗芒果西米露，一见到大大旧既芒果，已经流哂口水 ，而且芒果系夏天时令水果，唔知系咪心理上既错觉，总觉得特别香甜，啖啖既芒果肉，配埋又甜又浓郁既芒果酱汁，烟韧既西米，口感丰富，本人十分喜爱，唔系怕肥，真系想成日黎食 。