Beard Papa's (MOKO新世紀廣場) (已結業)

小妹就最爱周围扫街架啦，同男朋友系旺角MOKO新世纪广场行街嘅时候，突然闻到好香呀！😌原来系「Beard Papa's 」有新鲜出炉嘅泡芙，所以我地抵挡唔到诱惑要买两个食！😂😂而家真系有好多新花款，除咗最原始嘅酥皮系列之外，仲有朱古力外脆、双重饼干系列、卡脆卡脆系列和一口泡芙，过时过节仲有期间限定，白雪樱花忌廉泡芙里面真系有樱花🌸吉士味嘅忌廉架！香草吉士苹果批里面除咗可以挑选香草吉士或者朱古力味，仲有苹果肉系里面！☺️而且仲可以Combo两件咁样买，$40/两件，都抵嘅～不过小妹就比较钟意于最原始嘅味道，所以都系食返原味酥皮（$19）就可以啦！差不多一个手掌咁大，酥皮都算香脆，里面嘅吉士超多，多到咬每一啖都要咇出嚟，味道一如既往有好香嘅蛋香，正！不过而家嘅价钱真系越嚟越贵，唔算系好高嘅性价比。