蘇媽.蘇媽馬來西亞茶餐室 (已結業)

同平时一样都系食我最钟意嘅下午茶今次就嗌咗三份餐第一份就系多士小食下午茶我拣咗拼三串沙嗲小食加杯马来西亚拉茶佢嘅咖央多相当之好食，上下两层嘅面包比佢哋烘到相当之松脆，脆到直头好似揾油炸过咁样，配搭埋入面甜甜地嘅咖央酱，绝对唔会输蚀比香港嘅奶油多。至于串烧方面佢嘅沙嗲酱真系相当之好食，好食到我直头问咗阿姐一句有冇得就咁买个酱拎走，佢同平时一般界外买嘅唔同，可以食得出佢用嘅配料相当丰富，令到个层次好复杂。第二份就系鸡翼蛋淮山面喺呢度可以同大家讲鸡翼绝对唔系主角，佢个淮山面相当之弹牙，唔会好淋，配合埋个佢个虾汤底，每一啖都好似食紧虾头，每一啖都有虾嘅精华喺度第三份就系最基本嘅百吉爹肉骨茶 - 三层肉食过咁多间肉骨茶呢一间始终系最出色最出色嘅一间。唔单止茶味香浓，有药膳嘅感觉。单单系佢嘅汁已经可以送到几碗饭。呢度仲要有个好处可以俾你无限添饮。而佢每一旧肉都相当之入味，但又唔会煮得太老、太硬。虽然未去到入口即化嘅感觉，但以佢嘅味道来讲已经系相当之出色。