老虎堂黑糖專売 (已結業)

朝早11点几经过路徳围附近 醒起老虎堂最近系荃湾开左 之前系台湾饮过 觉得真系唔错 于是就去朝圣一下啦🏃🏻‍♀️去到见到好多人等拎 但又冇人排队买呙 就即刻去买 点知原来买野饮都要等 佢话避免积太多单 所以会hold一hold买飞先 但其实都好快 佢大概一分钟搞掂两杯咁 咁我就饮最招牌既波霸厚鲜奶 排队等买 到我拎到杯野大概用左十几分钟💁🏻‍♀️卖相其实同台湾差不多 饮之前同样要摇匀 香港既饮落我就觉得淡啲 虽然系厚奶 但奶味都唔算好多 黑糖味都可以再重啲 整体黎讲正常吧 但如果要排好耐队就不了🙈